Yera un partíu nel que tolos protagonistes sabíen qu'había más en xuegu que trés puntos. El Real Oviedo arropáu por unos dos mil siguidores azules precisaba la victoria énte un rival directu colos mesmos puntos que l'equipu de Ziganda. Nel so debú introdució dellos cambeos. Grippo y Christian na parte esquierda de la defensa, Sebas Coris en banda derecha y Ortuño xuntu a Rodri en punta.
La primer metá foi de dominiu local, y esti traducir a los quince minutos de partíu nel gol que-y terminaría dando la victoria al Lugo. Trató de reaccionar el Real Oviedo pero nun llegó a esmoler en nengún momentu la meta gallega.
Na segunda parte y cola entrada de Sangalli al descansu, el Real Oviedo amosó otra cara y foi a pol empate de manera contuntende. Los primeres cinco minutos fueron d'otres tantes ocasiones clares pa empatar l'alcuentru. Ortuño nun remate de cabeza, gol de Rodrigo anuláu per fora de xuegu, Sangalli al refugue y de nuevu Ortuño nun remate que'l porteru local atayó en llínea de gol. Salió Ibra dende'l banquín y siguió el conxuntu azul entornáu n'ataque pero ensin aciertu. Nos compases finales el Lugo anotó pero'l gol foi anuláu pol VAR.
Enfadu de los aficionaos presentes nel Anxo Carru col so equipu y terrible decepción na espedición que va volver a entamar los entrenamientos mañana a les 10:30h a puerta zarrada n'El Requexón.
