El Conseyu d'Alministración del Real Uviéu, S.A.D., na so reunión de fecha15 de mayu del 2018 alcordó convocar Xunta Xeneral Estraordinaria d'Accionistes pa la so celebración, nel “Auditoriu Principe Felipe”, allugáu na Plaza del Fresno, e.n., 33007 Uviéu (Asturies), el día 21 de xunu del 2018, a les 18:00 hores, en primer convocatoria; y, si procediere, al otru día, nel mesmu sitiu y hora, en segunda convocatoria, pa tratar esti orde del día:
Primero. Designación d'Auditor de Cuentes
Segundo. Modificación d'Estatutos
Tercero. Renovación del órganu d'alministración
Cuarto. Ruegos y preguntes.
Van tener derechu d'asistencia los titulares de cuatro o más acciones, siempre que consten inscrites en Llibru Rexistru d'Acciones de la Sociedá cinco díes primero de la celebración de la Xunta; los accionistes con derechu d'asistencia van poder facese representar na Xunta pente medies d'otra persona, accionista o non, siempre que conste per escrito y con calter especial.
En cumplimientu del artículu 286 de la Llei de Sociedaes de capital ponse a disposición de los accionistes nel domiciliu social l'informe de los alministradores emitíu al efectu, ensin perxuiciu de los derechos xenerales d'información que-yos concede l'artículu 197 del mesmu testu llegal, tocante a los asuntos comprendíos n'orde del día.
Asina mesmo faise constar a los señores accionistes que se va riquir la presencia de notariu pa que llevante acta de la Xunta.
Uviéu, 17 de mayu del 2018
Don Jorge Menéndez Vallina
Presidente del Conseyu d'Alministración.
INFORME DEL CONSEYU D'ALMINISTRACIÓN
El Conseyu d'Alministración de la sociedá de capital “Real Uviéu, S.A.D.”, na so reunión celebrada'l día 15 de mayu del 2018, alcordó incorporar al orde del día de la convocatoria de Xunta Xeneral Estraordinaria de la sociedá pal día 21 de xunu del 2018, estos puntos:
Designación d'Auditor de Cuentes
Modificación d'Estatutos
Renovación del órganu d'alministración
Ruegos y Preguntes.
Primero: Esti informe del Conseyu d'Alministración emítese al amparu de lo previsto nos artículos 286 y 287 de la LSC.
Segundo: Va proponese a la Xunta Xeneral d'Accionistes de la sociedá'l nomamientu de firma auditora pa los exercicios correspondientes a les temporaes 17/18; 18/19 y 19/20.
Tercero: Cola mira d'adaptalu al “Real Decretu Llexislativu 1/2010, de 2 de xunetu, pol que s'aprueba'l testu refundíu de la Llei de Sociedaes de Capital, y de tener un testu refundíu de los estatutos sociales, va proponese, pa la so aprobación pola Xunta Xeneral d'Accionistes, el borrador que s'axunta a esti informe como documentu anexu númberu 1.
Cuarto: El conseyu d'alministración ta designáu pa un plazu de cinco años, polo que la vixencia de los sos cargos espira esti mes d'avientu. Ye menester la renovación del conseyu, pa lo que se va proponer a aprobación de la Xunta la renovación de los mesmos conseyeros actualmente designaos pa un plazu de seis años a cuntar dende'l día 27 de xunu del 2018
Uviéu, a 15 de mayu del 2018
El Conseyu d'Alministración
