El técnicu del Real Oviedo, Guillermo Almada, compareció na sala de prensa tres la victoria del conxuntu azul por 1-0 al Girona FC. "Como-y dixi a los futbolistes, el partíu yera una final anticipada. Necesitábemos ganar xugando bien, regular o deficiente. La disposición de los xugadores foi espectacular. El Girona tien muncha calidá y eso significa la nuestra victoria, amás del sofitu incondicional de la nuestra xente. Erizábame la piel col sofitu de la grada. Tóu convencíu de que esto va brindanos muncha seguridá", comentó l'entrenador azul en primer llugar.
"Nel primer tiempu teníemos que xugar meyor y alministrar meyor la pelota. Facilitámos-yos la recuperación. Tuvimos mui descordinaos y cola so calidá, siempres ye peligru. Fixímoslo meyor na segunda y, en definitiva, significó llevar un trunfu valiosu coles correiciones que fiximos. Tuvimos menos volumen de xuegu que n'otros partíos, pero tuvimos seguros atrás. Debemos recuperar el volumen arriba. La presión de nun ganar taba afeutando", analizó l'uruaguayu.
Preguntáu poles entraes de Cazorla y Thiago y el so gran desempeñu nel partíu, Almada detalló que "Santi ye un crack. Foi'l primeru en posicionase y en trabayar. Aportónos soluciones nel momentu que nun les teníemos. El posicionamientu foi mui bonu y xeneró confianza nel restu. Ye mui intelixente. Thiago dio-nos soluciones na banda, non solo nel xuegu, sinón na recuperación. Los dos fueron mui importantes. Seguramente vaya tener más minutos. Yo nun dubaba d'él. Contábemos con él y la disposición ye espectacular xuegue o nun xuegue. Seguramente equivoquéme nes decisiones que tomé anteriormente".
"Nos partíos anteriores tabemos ganando. El resultáu condiciona a tomar delles decisiones. Cometimos distracciones que costáronnos puntos", comentó darréu.
Por cabera, y preguntáu por David Costas, Guillermo Almada alabó al central y señaló que "conocíalu, pero ta sorprendéndome'l nivel que tien a pesar de tener molesties permanentes. Cuando'l xugador pierde continuidá nos entrenamientos, a la llarga empieza a mermar el so rendimientu nos partíos. Ye un gran profesional y aporta muncho".