El Real Oviedo y la ONCE presenten un cupón especial con motivu del centenariu del Club

Güei, 17 de marzu a les 14:00 hores, tuvo llugar nel Estadiu Carlos Tartiere la presentación del cupón que la ONCE dedicará al Centenariu del Real Oviedo, nel marcu de la temporada de celebración de los 100 años del Club ovetense. Esta emisión conmemorativa espardirá'l centenariu per tol territoriu asturianu y el restu d'España, llevando los colores y la hestoria del Club a miles de persones.

L'actu cuntó cola presencia de Yobanka Cuervo Álvarez, delegada de la ONCE n'Asturies, y Félix Gendra Conde, xefe del Departamentu d'Operaciones y Lloxística de la ONCE na rexón. Pela parte del Real Oviedo, tuvo presente Martín Peláez, presidente del Real Oviedo. Mientres la presentación diose a conocer, per primer vegada, la imaxe d'un cupón que se va poner a la vienta esti miércoles 18 de marzu. El sorteu, pola so parte, va ser el próximu llunes 23 de marzu.

Esti cupón conmemorativu xune la llabor social de la ONCE, orientada a facilitar la vida de les persones con discapacidá mediante emplegu, educación y servicios d'apoyu, col compromisu del Real Oviedo de fomentar la inclusión, la diversidá y la responsabilidá social dientro y fuera del campu.

El cupón del centenariu va ser un símbolu del lleáu del Real Oviedo y de la unión ente deporte y compromisu social, un recuerdu inesborrable de los 100 años d'hestoria de la entidá azul.