Tercer xornada de LaLiga Hypermotion para un Real Oviedo que buscaba la segunda victoria consecutiva de la temporada. El conxuntu empobináu por Javi Calleja llegaba al Pepico Amat en ganando al Cartajena FC por 1-0 nel Carlos Tartiere y coles mires de volver sumar de trés. Para'l choque d'ese tarde énte'l CD Eldense, el míster azul namá introdució una cambéu nel once y formó con Aarón Escandell, Rahim, Dani Calvo, Oier Luengo Lemos, Colombatto, Sibo, Seoane, Ilyas, Hassan y Alemão.

 

Los primeros minutos d'alcuentru tuvieron marcaos pola superioridá local ente que'l cuadru carbayón nun llograba llegar con claridá a la meta visitante nin facese col balón. Seoane, nel 15', tuvo la primera de los asturianos pero'l so remate dende fora de la área colóse percima'l travesal. 

 

Cola primer media de partíu cumplida, los homes de Javi Calleja dieron un pasu al frente y empezaron a tener presencia n'área rival. El mediocampista madrilanu tuvo a puntu nuevamente anotar el primeru a balón paráu pero un paradón de Mackay caltuvo'l 0-0 nel marcador. Yá nel 40', y con un Oviedo qu'ameyorara notablemente sobre'l verde, Alemão batía a la meta local con un golazu espectacular pela escuadra que desamarraba la llocura de los oviedistas movíos a Elda. 

 

Magar la obra d'arte del brasileñu, el CD Edense llogró poner l'empate en cantu del descansu con un gol de córner nel que'l Real Oviedo reclamó una falta sobre Oier Luengo. Magar la insistencia del futbolista del conxuntu uvieín, el colexáu nun señaló nada y el tanto, pa desgracia de la parroquia azul, subía al lluminosu. Descansu.

 

Tres la continuación, l'alcuentru trescurrió ensin prácticamente ocasiones de gol para nengunu de los dos equipos. Cazorla y Sebas fueron los primeros cambeos carbayonos y llegaron nel minutu 62 anque nun sirvieron por que los de Javi Calleja llegaren con claridá sobre la meta del conxuntu valencianu. Yá na recta final del partíu, y con Dotor, Masca y Lucas sobre'l campu, Alemao punxo n'apuros a Mackay con un remate de cabeza dende la frontera que'l porteru local llogró atayar. 

 

Cuando tou paecía vistu pa sentencia, Aarón Escandell sacó una mano espectacular pa evitar el 2-1 Bouzaidi. Paradón de la meta del Real Oviedo que dexa a los suyos llevase un puntu del alcuentru d'esti sábadu. 

 

Próxima parada, domingu a les 18:30 hores énte la SD Eibar nel Carlos Tartiere.