Vuelta a casa pa sumar de trés. Con esa premisa llegaba'l Real Oviedo a esta xornada númberu 7 de LaLiga Hypermotion. Los azules, que llegaben a esti alcuentru n'empatando énte'l CD Eldense, recibíen nel Carlos Tartiere a la SD Eibar qu'hasta la fecha nun conocía la derrota. Con tolos disponibles pal míster, Javi Calleja presentó'l siguiente once n'escena: Aarón Escandell, Luengo, Costas, Dani Calvo, Rahim, Colombatto, Seoane, Cazorla, Sebas Moyano, Chaira y Alemão.

 

Tres el pitíu inicial y con un empiezu de partíu con cierta igualdá, Luengo protagonizó la primer acción clara pa el carbayones. Una internada del güei llateral diestru terminó nun centru chut del vascu que nun atopó rematador y la zaga armeru mandó a córner. Cuando'l Real Oviedo aportunaba en llegar sobro la meta rival, Costas yera espulsáu nel 31' tres una acción con Bautista. El colexáu nun duldó n'amosa-y la cartulina colorada al gallegu anque l'acción, en revisándola el VAR, foi anulada per fora de xuegu y el cuadru local siguía con 11 futbolistes nel campu.

 

La recta final del primer periodu tuvo marcada por dellos acercamientos del combináu uvieín, anque nengún púdose materializar en gol. La más clara foi la Sebas Moyano nel descuentu. L'estremu disparó con muncho peligru dende la frontera de la área pero'l so remate de foi raspiando la escuadra. Descansu.

 

El pasu por vestuarios non pudo veni-y meyor al Oviedo y ye que namás arrincar la segunda metá llegó'l gol. Una gran recuperación de Chaira en campu contrario terminó con una asistencia preciosa del "16" pa Alemão que nun perdonó. Cabezada y a la xaula pa poner el 1-0. Los nuesos nun quitar el pie del acelerador mientres los segundos 45 minutos y siguieron acesmando la portería de la SD Eibar. Nel 65´, Ilyas volvió dar una asistencia maxistral pa Paulino que nel mano a mano con Daniel Fuzato nun taba del tou atinada y el so disparu colábase centráu. 

 

Dos minutos más tarde, el cántabru tuvo na so cabeza'l 2-0 tres un gran centru de Cazorla dende'l perfil esquierdu. Sicasí, el so testerazu foi deteníu por Fuzato. El Real Uviéu siguía apertando ente que los de Etxeberría apenes llograben llegar con peligru sobro la meta de Aarón Escandell. Del Moral, Paraschiv y Pomares yeren los postreros trés cambeos del combináu de Javi Calleja, primeramente entraren Sibo y Paulino de la Fuente, pa certificar una victoria bien importante que pon a los de la capital del Principáu con once puntos na tabla. 

 

Con estos trés puntos, el cuadru carbayón suma siete de los postreros nueve puntos posibles y llogra la so segunda victoria consecutiva nel Carlos Tartiere énte unu de los gallinos de la competición.