El Real Oviedo debutaba na Copa del Rei esta temporada y fízolo  midiéndose en primer ronda énte la CE Manresa. El técnicu del conxuntu azul, Luis Carrión, rotó l'equipu pa la ocasión y allinió un once formáu por: Braat, Sesé, Luengo, Costas, Pomares, Camarasa, Jimmy, Sebas Moyano, Cardero, Masca y Alemao.

L'alcuentru nun pudo empezar de meyor manera pa los uvieinos y ye que nel minutu 3 Masca anotaba'l primer tantu pa el carbayones. El delanteru remataba de cabeza un córner llanzáu por Sebas Moyano p'abrir la llata y poner les coses bien favorables pa los asturianos. Pocos minutos dempués, el portugués anotó'l segundu pero'l colexáu invalidó'l tantu per fora de xuegu.

El combináu de la capital del Principáu d'Asturies apoderaba'l choque anque nun pudo ampliar la ventaya col pasu de los minutos. Nel 24, Baquero marcaba un golazu con un disparu dende la frontera qu'entraba pela escuadra y el 1-1 yera una realidá. Los últimos minutos del primer periodu volvieron ser de dominiu azul y Cardero tuvo'l 2-1. El canteranu remató a la cruceta un centru de Moyano dende la esquierda y l'empate foi la resultancia col que colamos al descansu.

Tres la continuación, el partíu taba igualao ente los dos conxuntos anque'l Real Uviéu tuvo les más clares. Colombato, qu'entró na segunda parte, foi baltáu na área anque l'árbitru nun señaló penalti. Amás, la cayida del arxentín dexó'l balón muertu para Alemao que lo mando al fondu de la rede pero Galech Azpeteguia señaló mano nel control y el tantu uvieín nun xubió al marcador. Los de Luis Carrión nun pudieron desfaer la igualada y el choque coló a la prórroga.

Yá nel 112´, Masca volvía ser protagonista y aprovechaba un bon centru de Viti dende la derecha pa poner el definitivu 1-2 nel lluminosu. Trunfu en tierres catalanes pa pasar de ronda y pa siguir vivos na Copa del Rei. Agora, y tres esta nueva victoria, el carbayones yá piensen nel partíu ligueru d'esti llunes nel que se vas ver les cares col Real Zaragoza.