El Real Oviedo precisaba ganar, y lo fizo. Con revisión de VAR incluyida, y de penalty, pero sumó tres puntos vitales énte un Rayu Vallecano que llegaba al Tartiere tan precisáu como l'equipu de Javi Rozada.
Nun se cumpliera'l primer minutu de xuegu cuando Juanjo Nieto, nuna gran xugada individual, adelantraba al Real Oviedo metiendo al equipu de llenu nel partíu. Tuvo Sangalli el dos a cero, poco dempués, pero paró Dimitrievski. Embarba anotaba l'empate nel minutu diez de partíu, pero'l conxuntu oviedista nun-y perdía la cara al alcuentru. Competía'l Real Uviéu anque ensin ocasiones clares, hasta llegar al descansu.
Na segunda metá, y cola agua cayendo intensamente sobro'l Carlos Tartiere, Javi Rozada movió banquín dándo-y entrada a Samuel Obeng en llugar de Yoel Bárcenas. Llegó la más clara de Borja Sánchez, nuna contra na que remató'l canteranu oviedista buscando la escuadra, pero'l so chut colóse raspiando'l poste. El Real Oviedo siguió creyendo y buscando la victoria, y finalmente, anque tres revisión de VAR incluyida, un penalty por cayida de Juanjo Nieto na área terminó nel dos a unu, fusilando Ortuño dende los once metros y dando la victoria al conxuntu oviedista.
Trés puntos fundamentales pa un Real Oviedo que va tornar mañana a los entrenamientos, dende les 10:30h n'El Requexón.
