El Real Oviedo llegaba a Elda col claru oxetivu de sumar la primer victoria de la temporada nel segundu partíu de Luis Carrión al frente del conxuntu azul. Para esti partíu, el técnicu del cuadru carbayón allinió un once formáu por: Leo Román, Abel Bretones, David Costas, Dani Calvo, Oier Luengo, Colombatto, Luismi, Seoane, Paulino de la Fuente, Viti y Borja Bastón.
Primer parte de matrícula d'honor para'l combináu de la capital del Principáu d'Asturies. L'entamu foi inmeyorable para los azules que nel minutu 6 yá taben per delantre nel marcador. Abel Bretones, con un latigazu cola esquierda, anotó'l primeru y desamarró l'allegría nel banquín carbayón. El Real Oviedo nun dexaba de buscar la portería contraria y los sos múltiples intentos fixeron que Paulino de la Fuente, nel 14´, punxera'l 0-2 nel lluminosu.
Nel 25´, Bastón unióse a la fiesta con un golazu a pase de Paulino. Picadita énte la salida del porteru del madrilanu pa poner el 0-3 y tierra pel mediu nuna primera media hora pa enmarcar del Real Oviedo. La única mala noticia de la primer parte foi la sustitución obligada de Seoane por Sebas Moyano.
Tres la continuación, el cuadru de Luis Carrión xugó cola resultancia a favor anque tamién pudo ampliar la so ventaya. Bastón tuvo de barganal de poner el cuartu anque'l gol uvieín nun llegó y el Eldense ganó metros. La segunda parte trescurrió ensin demasiaes acciones clares de peligru hasta que nel minutu 80 de partíu Salcedo anotó de penalti y retayó distancies. Gol y 1-3 anque la resultancia nun se movería más y el Real Oviedo terminó per llevar se trés puntos perimportantes.
Primer victoria de la temporada nun partíu completísimo de el carbayones que sumes trés puntos d'oru encaren con ilusión el próximu alcuentru ligueru énte l'Huesca esti miércoles nel Carlos Tartiere.
