Nún duelu d'altor nel Grupu I de Segunda Federación, Real Oviedo Vetusta y Deportivo Fabril firmaron tables (1-1) nun partíu intensu y bien táuticu, d'alcuerdu cola pelea pol lideralgu que dambos caltienen. Los gallegos llegaben al alcuentru como líderes en solitariu, con dos puntos d'aventaxa sobre un Vetusta que defendía la segunda posición y que volvió a demostrar la so solidez competitiva.
L'alcuentru entamó con un guión claro dende'l principiu. El Fabril asumió'l control del balón y monopolizó la posesión mientres bona parte de la primer metá, moviendo la pelota con paciencia y tentando alcontrar espaciu nel entramáu defensivu carbayón. Sicasí, esi dominiu territorial nun se treslladó en munches ocasiones clares sobre la portería defendida por Miguel Narváez.
La gran noticia pal Vetusta llegó mui pronto. Apenas corría'l minutu 5 cuando Marco Esteban adelantó a los locales. Omar Falah botó una falta llateral, colgada al área como si fuera un mini-córner, y el central apaeció con determinación pa conectar un potente cabezazu que superó al guardameta visitante. Un golpe tempraneru que obligó al líder a redoblar esfuercios.
El Fabril nun se descompunxo y siguió insistiendo col so fútbol de posesión. La ocasión más destacada de la primer parte foi un disparu cola puntera de Nájera, bien dirixíu, que alcontró una magnífica respuesta de Narváez, rápido de reflejos pa despexar col pie y caltener la ventaya oviedista al descansu.
Dempués del pasu per vestuarios, el desenvolvimientu del partíu apenas varió. El Fabril siguió llevando'l pesu del xuegu, mientres el Vetusta amosábase sólidu, ordenáu y dispuestu a resistir, fiando les sos opciones a dalguna salida rápida o a aiciones a balón parao. A pesar del empuje visitante, les ocasiones clares siguíen siendo escases.
Cuando paecía que los de Roberto Aguirre teníen el partíu baxo control, llegó l'empat na recta final. Bill firmó una gran aición individual, combinó nuna paré y, yá dientro del área, definió con un potente disparu rasu de derecha que batió a Narváez, poniendo xusticia nel marcador según el desenvolvimientu del xuegu.
El tramu final complicóse entá más pal Vetusta, que finó l'alcuentru con un xugador menos tres la espulsión de Cheli. A pesar d'eso, los locales supieron sufrir y caltener un puntu d'enorme valor. L'empat caltién les distancies intautes na clasificación: los gallegos sigan líderes y los asturianos sigan segundos, a namás dos puntos de los coruñeses.
J21 Real Oviedo Vetusta 1-1 Deportivo Fabril
- +42