El Real Oviedo Femenín nun pudo sumar na mañana de güei tres cayir por 2-4 col Fútbol Club Barcelona ‘B’ en El Requexón. Les azules firmaron una primer metá mui seria énte'l líder de Primera Federación Iberdrola, pero la efectividá visitante na segunda parte finó decantando'l alcuentru pa les filiales.
El conxuntu oviedista salió decidíu dende'l pitíu inicial. A los cuatro minutos, Andrea Sordo protagonizó la primer gran ocasión del choque con un potente remate que obligó a intervenir a Rocío Romano. Aición mui clara pa les nueses.
El filial blaugrana respondió nel 14, con una acción d'Anna Quer dende la derecha que tuvo que despexar Laura Martínez. La guardameta azul volvió apaecer nel minutu 38, cuando detuvo un remate de Daniela que sacó a corner con una gran intervención, nun tramu final nel que les visitantes apretaben. Entre medies, les azules tamién dispusieron d'oportunidaes: Raissa Mbappé probó suerte dende llueñe nel 24 al ver lixeramente adelantada a Rocío Romano, pero'l so disparu marchó desviau. Con empate a cero llegóse al descansu, tres una primer parte bien completa del Real Oviedo, que plantó cara al filial del Fútbol Club Barcelona.
Tres la reanudación, Andrés Clavijo introduxo'l primer cambiu, dando entrada a Vera Rico. Sicasí, apenas dos minutos dempués, Laia Martret firmó una xenialidá pa adelantar al Fútbol Club Barcelona ‘B’ y facer el 0-1. La reacción azul foi inmediata. Nel 54, Raissa inventó un auténticu golazu: recuperó, conduxo con decisión y unviólu al fondu de la red pa establecer l'empat. El Real Oviedo vivía los sos meyores minutos y, nel 63, una gran acción combinativa finó con centru dende la derecha y remate de Raissa que marchó fuera por poco.
Doblete de Raissa
Pero en apenas un minutu llegó'l golpe visitante. Ainoa Gómez firmó l'1-2 y, poco dempués, Rosalía amplió la ventaxa col 1-3. Andrés Clavijo volvió mover el banquillo pa dar entrada a Villadeamigo y Stephannie en busca d'una reacción. El equipu azul nun baxó los brazos. Nel 75, un centru de falta llateral botáu por Laurina foi rematáu por Eva Lois, obligando a Rocío Romano a estirase pa evitar el gol de les carbayones. Poco dempués, Raissa volvió apaecer pa firmar el so segundu gol de la mañana, recortar distancies y facer el 2-3.
Cuando'l Real Oviedo buscaba l'empat, Natalia Escot anotó'l cuartu pal filial blaugrana, un resultáu que yá sería definitivu a pesar de los intentos finales y al doble cambiu cola entrada de Nati Cano y Sheila Elorza nel tramu final. El partíu algamó'l minutu 88 ensin que se moviera'l marcador y, tres el pitíu final, el Real Oviedo cayó por 2-4 en El Requexón, nun alcuentru nel que compitió con carauter ante un rival de máximu nivel.