El Real Uviéu llegó a un alcuerdu pa facese colos servicios del centrocampista ofensivo Richard Boateng pa les dos temporaes vinientes.
Boateng, de 25 años d’edá, nació’l 10 de xunetu de 1992 n’Acra, Ghana. Formáu nes categoríes inferiores del Granada, el centrocampista militó nes files del San Roque, Extremadura y UD Melilla, club del que llega procedente, nuna temporada na que xugó 31 partío, axuntando 2.458 minutos.
Richard Boateng ye un centrocampista ofensivu de 1,72 metros, que destaca pol so desenvolvimientu físicu, la so llegada y el bon tratu col balón. Na so última campaña nel Melilla, el ghanés anotó un total de 14 goles, siendo ún d’ellos el meyor gol de la temporada na categoría de bronce del fútbol español.
Depués de sometese al reconocimientu médicu na Clínica Asturias, el mediocentru va empezar la pretemporada’l próximu día 9 de xunetu, onde va conocer los sos compañeros nuevos y va trabayar a les órdenes de Juan Antonio Anquela pa tar a disposición dafechu del técnicu de la qu’empiece la temporada.
Trayectoria:
(2011/12) Granada
(2012/13) San Roque
(2013/16) Granada
(2016/17) Extremadura UD
(2017/18) UD Melilla
La presentación oficial de Boateng como xugador nuevu del Real Uviéu va facese nunos díes.
El mediocentru nun va facer declaraciones hasta’l momentu de la so presentación oficial.
