Visitaba'l Real Oviedo La Romareda, cola clara intención de siguir sumando para non descolgarse de los puestos de privilexu de la tabla, y saca un puntu importante ente un rival complicáu como'l Real Zaragoza.
Con un once nel que Ziganda introdució delles novedaes respecto al del postreru partíu ente'l Girona, los azules saltaron sobro'l feudu zaragozista. Mossa entraba nel llateral y Jirka fízolo na banda, con Viti modificando la so posición na delantrera, y anque los de la capital del Principáu salieron bien activos al partíu, con una primer acción de Borja Sánchez a los dos minutos, primer metá foi de muncha disputa ente dambos equipos y poques acciones de peligru. El Real Zaragoza trataba de faese col pesu de partíu, con un Real Uviéu qu'aprovechaba la presión alta pa forzar la perda local y xenerar peligru. Los homes del ataque oviedista intentáronlo mientres el primer actu, ensin fortuna de cara a puerta. El partíu foi al descansu col 0-0 inicial.
Na segunda metá'l Zaragoza tuvo más pesu nel partíu, xenerando peligru sobro la meta d'un Real Oviedo que se tuvo qu'aplicar en defensa pa compensar les acciones zaragozistas, arreglando les ocasiones del conxuntu aragonés. Ziganda dio entrada a Montiel, en primer términu, darréu fixo lo propio con Javi Mier y Pombo, y n'última instancia introdució a Arribas y Matheus Aiás. L'alcuentru concluyó colos azules tratando de desfaer el marcador inicial, anque nun llogró esi oxetivu.
Nuevu puntu nel casillero del conxuntu azul, que mañana, dende les 17:00 hores, va empezar a preparar l'alcuentru de la próxima fin de selmana énte el Sporting de Xixón.
