Xueves d'intensidá y trabayu en El Requexón. La primer plantía carbayona completó esta mañana una nueva xornada d'entrenamientu baxo'l sol d'El Requexón.
Como vien siendo habitual, y tres entamar el día nel ximnasiu, l'equipu treslladóse al campu númberu cinco de la ciudá deportiva azul pa realizar una cadena de pases enantes d'entrar en materia.
Posteriormente, el conxuntu carbayón llevó a cabu dellos ejercicios replicando un partíu con dos onces diferenciaos. Agudín, Adri Fernández y Cheli foron los futbolistes del Vetusta que trabayaron baxo les órdenes de Guillermo Almada.
Mañana, última sesión de la selmana enantes de que l'equipu, pola tarde, ponga rumbu a Valencia.