En busca de la tercer victoria consecutiva. Asina llegaba l'el Real Oviedo al so alcuentru frente al Racing de Santander nel Carlos Tartiere. Los azules tornaben al municipal uvieín col claru oxetivu de siguir col so gran estáu de forma y col enfotu de sumar un nuevu trunfu col que dar un pasu importante na clasificación. Pal día de güei, Luis Carrión, allinió un once formáu por: Leo Román, Viti, Dani Calvo, Oier Luengo, Abel Bretones, Colombatto, Luismi, Cazorla, Sebas Moyano, Dubasin y Borja Bastón.
Empezó l'alcuentru con un Real Oviedo que quería mandar y qu'intentó abrir el marcador dende'l primer minutu de xuegu. Luismi, nel 5', dio'l primer avisu con una bon cabezada qu'obligó a la meta rival a intervenir. El retruque del Racing nun se fixo esperar y darréu Arana tendría una ocasión bien clara. El delanteru del combináu cántabru quedóse mano a mano ante Leo Román pero un paradón de la meta azul evitó'l 0-1.
La primer parte trescurrió con ocasiones pa los dos equipos hasta qu'en cantu del descansu Peque adelantró a los verdiblancos. El "17" non perdóno ante Leo Román y marcó el primeru del choque primero que colexáu decretara'l final de la primer parte. Tres la continuación, el míster azul movió'l banquín y tantu Alemão como Paulino de la Fuente entraron al campu. El Real Oviedo buscaba l'empate de forma incansable y cuando meyor taben los azules, el colexáu Fuentes Molina amosó, de forma incomprensible, una tarxeta colorada directa Oier Luengo.
Minutos más tarde, Sangalli tamién yera espulsáu y dambos conxuntos xugaríen los postreros 20 minutos del choque con un futbolista menos sobro'l campu. Nel 72', Alemão desamarraba la llocura con un auténticu golazu que facía creer na remontada pa la recta final del partíu. Seone y Masca ingresaron al campu nel 83' y precisamente sería'l delanteru'l portugués el que tendría la postrera. El colexáu añedió 7 minutos y na postrera de toes un balón colgáu d'Abel Bretones se paseba pola meta defendida por Ezkieta al que Masca trató de llegar tirándose en segada.
Manos a la cabeza de tol Tartiere y darréu pitíu final del colexáu que dexaba'l 1-1 como resultancia final. Honor a los nuesos qu'ameyoraron nel segundu periodu y buscaron ensin parar los trés puntos nun gran partíu de fútbol con ocasiones y nel qu'hubo de too. Con esti puntu, el Real Oviedo suma 48 puntos y quédase na séptima posición de la tabla a falta de remate la xornada y yá piensa nel so próximu compromisu ligueru énte'l Alcorcón en tierres madrilanes.
