El Real Uviéu sumó un puntu que-y supo a poco, polos méritos, les ocasiones y les xugaes discutíes n’área que nun beneficiaron al equipu d’Anquela.
Con un cambéu namás nel sistema en comparanza cola última xornada, pola lesión de Joselu, la primer ocasión clara llegó en botes de Mossa cuando nun se cumpliere’l minutu de partíu. Remató de primeres el valencianu nel segundu palu y unvió alto. Tapó bien Champagne nun averamientu, a la contra, y cola posesión el Real Uviéu nun pasaba apuros. Javi Muñoz probó con un disparu potente dende la frontal, y replicaron Johannesson y Alanís; el remate d’esti postreru marchó raspiando’l llargueru.
Yá na segunda parte aumentó la posesión de los locales, pero Christian Fernández pudo adelantar a los azules nun cabecéu, a saque d’esquina, que marchó fuera. Depués de caltener el nivel y la seguranza defensiva, y depués de dos valtamientos n’área qu’acabaron en nada, l’Uviéu llevaba un castigu inxustu cola segunda mariella a Christian.
Un puntu que sabe a poco primero d’empezar a preparar la selmana dende’l martes a les 18:00 h n’El Requexón.
