El Real Uviéu llegó a un alcuerdu pa facese colos servicios del estremu Omar Ramos hasta xunu del 2020, con opción a una temporada más en función d’oxetivos.
El xugador, de 30 años d’edá, nació’l 26 de xineru de 1988 en Santa Cruz de Tenerife. Formáu nes categoríes inferiores del Tenerife, Omar Ramos vistió la camiseta del Lleida, Almería, Huesca, Real Valladolid y Leganés, club onde militó la campaña pasada en Liga Santander. L’estremu tien una esperiencia dilatada nel fútbol profesional, con un papel fundamental nel ascensu del Leganés a Primer División, xugando un total de 34 partíos y anotando 5 goles, amás de participar na máxima categoría del fútbol español col Real Valladolid, na temporada 2012/13.
Omar Ramos ye un estremu que destaca pola so calidá, rapidez, destreza col balón y habilidá nos centros al área, amás de bon golpéu nel balón paráu.
Desque supere’l reconocimintu médicu esta mañana na Clínica Asturias, el futbolista va incorporase a los entrenamientos esta mesma tarde y va trabayar a les órdenes de Juan Antonio Anquela.
Trayectoria:
(2006/07) CD Tenerife
(2006/07) UE Lleida
(2007/11) CD Tenerife
(2011/12) UD Almería
(2011/12) SD Huesca
(2012/15) Real Valladolid
(2015/18) CD Leganés
La presentación oficial del canariu como xugador nuevu del Real Uviéu va facese esti xueves na sala de prensa del Carlos Tartiere, dende les 13:30 hores.
