El Real Uviéu llegó a un alcuerdu pa facese colos servicios del delanteru colombianu Olmes García, en calidá de cedíu, hasta final de temporada.
El xugador, de 25 años d’edá, nació’l 21 d’ochobre de 1992 en Barranquilla, Colombia. Debutó con 17 años na Primer División colombiana, nes files del Deportes Quindío, onde xugó un total de 57 partíos anotando nueve goles. Nel 2013 dio’l saltu a la MLS estaunidense, firmando pa trés temporaes col Real Salt Lake, col que militó 135 partíos, marcando catorce goles. Na campaña pasada, Olmes García foi cedíu al América de Cali, club col que xugó 25 partíos, anotando cuatro tantos.
Olmes García destaca pola so gran velocidá, potencia y esplosividá. El xugador, en propiedá del Real Salt Lake, y cedíu nel América de Cali, incorpórase agora a les files del Real Uviéu hasta final de temporada, tamién en calidá de cedíu.
El futbolista va incorporase nel intre a los entrenamientos, depués de sometese esta mañana a reconocimientu médicu na Clínica Asturias, y va trabayar a les órdenes de Juan Antonio Anquela na sesión de mañana pa tar a disposición dafechu del técnicu cuanto primero.
Trayectoria:
(2011/12) Deportes Quindío
(2013/16) Real Salt Lake
(2017) San José Earthquakes
(2017) América de Cali
La presentación oficial d’Olmes como xugador nuevu del Real Uviéu va facese esti xueves a les 13:30 h nel Carlos Tartiere.
