El Real Uviéu, nel so empeñu por averar el día a día del club a tolos colectivos de la sociedá, lleva alantre nos últimos meses la traducción y publicación de les noticies más relevantes al inglés y al asturianu.
Precisamente, ye n'asturianu onde nos últimos díes s'algamó un total de 100 noticies traducíes y publicaes. Una cifra que s'algama gracies a la collaboración del Real Uviéu con Xosé Miguel Suárez Fernández, que cada selmana ye l'encargáu de facer les traducciones.
D'esta manera, el Real Uviéu sigue implicáu nel fomentu y desenvolvimientu del asturianu y de tolo referente a la nuestra rexón.
