El Campus Real Oviedo 2019 yá ta en marcha. Too entamao pa que nunes selmanes principie la XIV edición d'una actividá que nun dexó de crecer y consolidase nos últimos branos.
Esta mañana tuvo llugar la presentación d'esta nueva edición, na que los neños y neñes van poder participar dende 170 €, na doble modalidá de media xornada o xornada completa. Con descuentos pa abonaos, familiares d'inscritos, participantes na última edición o neños pertenecientes a la nuesa escuela y categoríes inferiores, onde puen participar neños y neñes dende los 4 a los 15 años d'edá.
En cinco veces, del 24 de xunu al 26 de xunetu, los participantes na Edición van facer actividaes rellacionaes col deporte, onde los valores del Real Oviedo van tar bien presentes nel día ente día. Amás, un añu más, va cuntar con serviciu de tresporte opcional, y tamién temtempiés pa los descansos y serviciu de comedor. Tolos participantes van llucir ropa oficial del nuesu sponsor oficial Adidas.
Amás, tolos neños y neñes que tomen parte na actividá van poder esfrutar, como ye habitual, de les visites de xugadores, ex xugadores y técnicos que van charrar colos pequeños participantes nes sesiones más esperaes por tolos mozos oviedistas.
Nel actu de presentación, presidíu pol Responsable de Relaciones Institucionales, César Martín, el Responsable de Fútbol Formativo, Eduardo Rergis, y el Director del Campus, Gabriel Piquero, diéronse a conocer les novedaes de la XIV Edición, destacando "entendemos que nun tien qu'haber una formación futbolística namás, si non tambén humana, centrada en poner n'alza la formación integral de los mozos, poniendo n'alza valores que desenvuelvan a la persona y a la vida saludable. Evidentemente vamos fomentar l’oviedismu y vamos buscar xenerar un sentimientu de pertenencia".
Pela so parte, Eduardo Rergis, comentó que "esti ye unu de los nuesos proyectos más importantes. Tratamos de curialos lo más posible, que tengan una guapa alcordanza dende'l primer día. Xenerar oviedismu nós más pequenos. Ye la base de lo que vien nel futuru y de lo que ye'l Real Oviedo".
Les inscripciones tán abiertes, hasta completar places, y pa participar namás tienes de rellenar esti formulariu.
¡Nun esperes más y acuta la to plaza pa pasar el branu más risonderu con nos!
AST
