El Real Uviéu quixo celebrar, con unos díes d’antelación, el partíu conmemorativu del so 92.u aniversariu con un xestu de reconocencia pa los abonaos más antiguos de la entidá.
D’esta manera, once de los aficionaos con más antiguedá nos sos carnés foron convidaos a participar nun actu cenciellu pero emotivu nos prolegómenos del alcuentru. Los siguidores uviedistes, afataos coles sos bufandes, gorros y dalgún cayáu, enllenaben d’allegría’l túnel de vestuarios minutos primero de que l’equipu saltare al terrén de xuegu. Los xugadores del primer equipu, lluciendo una camiseta especial diseñada pa la ocasión, asitiábense al llau del abonáu del que llucíen el nome na so camiseta, nun chisgu más de ciñu pa los veteranos aficionaos uviedistes.
Asina, y en formación, saltaron xugadores del primer equipu y abonaos, xuntos al terrén de xuegu. Con una ovación cariñosa del Carlos Tartiere, toos xuntos posaron pa la semeya inicial, y cada aficionáu llevó la camiseta del xugador que lu acompañaba, col so nome y el númberu de carné que llucen arguyosos esta temporada.
El club quier agradece-yos a tolos participantes la so fidelidá y ciñu a los nuestros colores, y la so predisposición pa participar nun actu tan entrañable, que supón un honor y un arguyu pa la nuestra entidá.
Los abonaos participantes foron estos:
- Luis Álvarez Fernández
- Jesús Cabal Vega
- José González Muñiz
- José Ramón García Álvarez
- Ramón Arenas Álvarez
- José Manuel Bances Álvarez
- Ricardo Loy Muñiz
- Roberto Puente González
- Jesús Méndez González
- Víctor Cabrero Fernández
- Luis Ruiz Villanueva
