El Real Uviéu fixo realidá ún de los proyectos que más ilusión-y fai a la nuestra entidá y que trata de dar respuesta a la demanda y necesidá social que se nos presenta pa que tolos neños puedan xugar al fútbol. La Escuela Real Uviéu echa a andar, coles mires de que tolos neños y neñes tengan tamién la posibilidá de formase cola metodoloxía del Real Uviéu, lluciendo los nuestros colores.
La Escuela Real Uviéu, abierta a pequeños y pequeñes d’ente 4 y 10 años (nacíos ente’l 2009 y el 2014), ufierta la posibilidá de formación a tolos neños que quieran practicar fútbol y medrar con nós. Con una metodoloxía de trabayu idéntica a la implantada nos nuestros equipos de categoríes inferiores, los equipos que dende agora se vaigan configurando y formando parte de la nuestra Escuela, van desenvolver los sos entrenamientos en Fundoma, nunes instalaciones namás dedicaes a esti oxetivu.
Les inscripciones puen realizase a partir d’esti llunes día 23 de xunetu, con principiu de los entrenamientos previstu pal mes de setiembre viniente. Pues solicitar el to formulariu de preinscripción o solicitar más información nel teléfonu 684 637 659 (de 10 a 14 h y de 16 a 19 h) o nel mail escuelarealoviedo.es. ¡Que nengún neñu o neña quede ensin la oportunidá de poder xugar al fútbol colos colores del Real Uviéu!
Amistá, autoestima, compromisu, respetu, tolerancia... con arguyu, valor y garra. ¡Esperámoste na Escuela Real Uviéu!
