El Real Uviéu llegó a un alcuerdu pa facese colos servicios del delanteru José Luis Moreno Barroso, "Joselu", pa les cuatro temporaes vinientes.
El xugador, de 27 años d'edá, nació'l 3 de marzu de 1991 en Cartaya. Formáu nes categoríes inferiores del Villareal, col que llegó a disputar minutos en Champions League, l'onubense ye un xugador con una esperiencia dilatada nel fútbol español depués de pasar per Córdoba CF, Recreativo de Huelva, RCD Mallorca, CD Lugo y Granada CF, equipu del que llega procedente esta temporada, axuntando un total de 2.418 minutos y 9 goles. Na so temporada per tierres gallegues, va dos campañes, l'ariete anotó un total de 23 goles, siendo'l máximu artilleru de LaLiga 1|2|3.
Joselu ye un delanteru que destaca pola so velocidá, habilidá, olfatu goliador n'área y bona definición.
Depués de sometese al reconocimientu médicu na Clínica Asturias, el futbolista va incorporase a los entrenamientos esti miércoles, y va trabayar a les órdenes de Juan Antonio Anquela.
*Trayectoria:*
(2009/12) Villareal CF
(2012/13) Córdoba CF
(2013/14) Recreativo de Huelva
(2014/15) RCD Mallorca
(2015/17) CD Lugo
(2017/18) Granada CF
La presentación oficial de Joselu como xugador nuevu del Real Uviéu va llevase a cabu mañana martes a les 12:00 hores nel Carlos Tartiere.
El xugador nun va facer declaraciones hasta'l momentu de la so presentación oficial.
