Esti mañán comparecía en rueda de prensa'l defensa del Real Oviedo, Javi López, pa analizar la importante victoria ante'l Valencia y el trascendental partíu ante'l Llevant del próximu sábadu. "El sábadu vieron reflejaes les ganes de xuganos la vida en cada partíu, en sacar lo meyor de cada ún de nós pa consiguir los tres puntos", señaló.
El próximu rival de los azules ye'l Llevant, un conxuntu inmersu na particular lliguilla pola salvación. "Cada partíu ye mui importante, pero ye verdá que esti sábadu ye ún de los más importantes por cómo se da. Ganamos al Valencia, pero tenemos que facer bona esa victoria".
Preguntáu sobre los enfrentamientos direutos d'esti fin de selmana, Javi López amosábase contundente. "Tenemos que centramos en nós, si nun sacamos los puntos que necesitamos de nada sirve que otros fallen. Centramos en el sábadu que ye lo importante".
Finalmente y cuestionáu sobre'l so bon estáu de forma, afirmaba "los xugadores medramos a base de confianza y xugar partíos siguíos. Tengo munchos minutos y eso da confianza pa afrontar los partíos y disfrutar del fútbol".