El Real Uviéu presentó esti mediudía, nes instalaciones d’Integra Energía, l’alcuerdu ente dambes entidaes pa les dos temporaes vinientes. El club quier amosar el so agradecimientu a la empresa de capital asturiano comercializadora d’enerxía eléctrico, qu’opera non solo n’Asturies sinón tamién en tol territoriu nacional, que demostró’l so enfotu nel proyectu del Real Uviéu pa formar parte de la familia de patrocinadores del club.
L’alcuerdu presentóse esta mañana na sede d’Integra Energía, en C/ Dinamarca n.u 4., Polígonu Espíritu Santu, 33010 Uviéu, Asturies. Por Integra Energía tuvieron presentes Ruben Paredes y Francisco Fernández, propietarios d’Integra Energía. Nel Real Uviéu, César Martín, responsable de rellaciones institucionales, foi’l representante de la entidá, que quixo amosar l’agradecimientu del club pol apueste tan fuerte que fixo una empresa "de capital cien por cien asturiano, que va tar con nós les dos temporaes vinientes y que va apostar por una campaña fuerte onde los abonaos nuevos del Real Uviéu que s’asocien a Integra Energía van poder disfrutar d’una de les nuestres camisetes oficiales nueves de regalu".
Un “arguyu" pal Real Uviéu, que tamién lo ye pa Integra Enerxía, tal como esplicaba’l so responsable de Marketing, David López: "La fuercia y la enerxía d’un club son los sos abonaos, y hai munchos valores que representa’l Real Uviéu que nós compartimos. Con tol respetu, al lema d’Arguyu, Valor y Garra, sumámos-y agora la enerxía d’Integra". Pela so parte, Rubén Paredes, ún de los propietarios d’Integra Energía, amosaba’l so contentu por un alcuerdu "nel que llevamos munchu tiempu trabayando" y que valoraba como "l’apueste de patrociniu más importante que realicemos hasta agora".
D’esta manera, el Real Uviéu va llucir el logotipu d’Integra Energía na manga esquierda de toles camisetes del club dende’l primer equipu hasta iniciación, a lo llargo de dos temporaes. Asina mesmo va tener presencia nel photocall del Carlos Tartiere, El Requexón y en realoviedo.es.
Amás Integra Energía va llanzar una campaña esclusiva pa los abonaos del Real Uviéu, que consiste en que cualquier sociu de la entidá que camude’l so puntu de lluz o gas a Integra Enerxía va recibir de baldre una camiseta oficial de la temporada 2017/2018, que va presentase esta mesma tarde nel Centro Comercial MODOO.
