Al Real Uviéu présta-y anunciar l’alcuerdu tan importante cola multinacional Huawei como patrocinador principal de la entidá na temporada 2017-18.
Un sofitu fundamental pal nuestru club, qu’amuesa’l so agradecimientu fondu pol apueste de la marca nel proyectu de la nuestra entidá, lideráu pol Grupu Carso.
L’alcuerdu firmóse ayeri en México, dende onde nos llega una reacción de munchu contentu: "Enllénanos d’arguyu anunciar que Huawei axúntase a esta alianza,porque tanto ellos como nós creyemos nel trabayu n’equipu, na medría conxunta, y en superar les torgues al traviés de la cooperación y l’esfuerciu colectivu. Dambos atopemos nel Real Uviéu un aliáu nuevu con quien fortalecer estos valores, porque compartimos esti espíritu collaborativu, que sabemos que ye la clave pa non solo llograr algamar metes nueves nesta temporada qu’empieza, sinón crear oportunidaes nueves a lo llargo de la mesma.
Al traviés d’esti deporte tan apasionante, y nel contestu de la gran tradición del Real Uviéu, tanto Carso como Huawei vamos crear actividaes, campañes y collaboraciones que non solo van fortalecer el valor de les nuestres marques, sinón que van llevar les victories y llogros del equipu al traviés de los nuestros recursos compartíos, a cualquier requexu del mundu, xuniéndonos de forma entrañable a los nuestros consumidores gracies a la pasión que compartimos pol fútbol de clas mundial".
Na firma del alcuerdu, don Arturo Elías Ayub al llau de don Rodrigo Hevia, de Huawei México.
