Sesta xornada de La Liga para los de Ziganda, que se movieron a tierres catalanes para vese les cares col Girona en Montilivi, nun partíu qu'acabó cola resultancia de 1-0 en contra de los intereses oviedistas.
Con un once formáu por Femenías, Juanjo Nieto, Grippo, Bolaño, Lucas, Tejera, Edgar, Sangalli, Nahuel, Borja y Blanco Leschuk saltaron los azules nel municipal gerundense. Demostrando la solidez defensiva que caracteriza al conxuntu de Ziganda dende l'empiezu de la competición, los azules plantegaron un partíu de tú a tú, nel que les ocasiones partiéronse entre los dos equipos, con más aciertu para los locales, qu'aprovecharon una de les que tuvieron na segunda mitada para faese colos trés puntos. Nel primer actu'l Real Oviedo tuvo bien ordenáu atras, concediendo poques ocasiones de peligru sobre la meta de Femenías, ensin llograr algamar la meta local. Tres el pasu por vestuarios, la tónica del alcuentru foi similar a la de los primeres cuarenta y cinco minutos, na que'l Girona aprovechó un refugue para adelantrase nel marcador. Edgar fue baltáu na área, nuna acción rigorosa na qu'el VAR nun intervieno. Magar esta circustancia los de Ziganda nun-y perdieron la cara al partíu y buscaron poner l'empate nel marcador. Viti, en primer instancia, y, darréu, Mossa y Obeng, fueron los homes de refrescu introducíos por Ziganda para da-y aire fresco al equipu. Nos minutos finales los azules dispondríen de delles ocasiones que nun llograron materializar. Cola resultancia de 1-0 llegóse a la fin del alcuentru.
Nun hai tregua para los de Ziganda, una y bones esti xueves van tener una nueva oportunidá de sumar los tres puntos, recibiendo en casa al Rayo Vallecano.
