El Real Uviéu Vetusta de Javi Rozada fixo historia. El filial uviedista sellaba esta mañana la vuelta a Segunda División B, depués de resolver con poderíu (3-1) la vuelta de la eliminatoria de campeones énte la UD Mutilvera, n’El Requexón. Con un global de (5-1), esta mañana Steven, Viti y David González firmaben los tantos del trunfu uviedista tan guapu pa volver a Segunda División B.
Un partíu nel que’l dominiu de los de Rozada apalpóse dende los primeros compases del partíu. Viti tuvo la ocasión más clara, nun centru dende la esquierda, que nun foi quién a rematar con claridá n’área, asediáu pola defensa navarra. Con un gran nivel de xuegu, y control del partíu, llegóse con empate a cero al descansu.
Na segunda la superioridá uviedista traducióse por fin en goles. Steven adelantaba al Vetusta, al refugue, nel primer gol del partíu qu’empobinaba’l zarru de la eliminatoria.
Empató’l Mutilvera, con un home menos por espulsión d’Antxón, pero aína reaccionó’l filial uviedista pa sentenciar, con gol de Viti, cuasi definitivamente’l partíu. Finalmente
David González punxo’l tercer y definitivu gol del partíu, y los cientos d’aficionaos uviedistes gozaron xunto al equipu d’un regresu históricu a Segunda División B.
¡NORABONA, VETUSTA!
AST
