El Real Uviéu va tar presente na edición del 2018 del prestixosu tornéu internacional Dallas Cup. Dos equipos de categoríes inferiores de la entidá, concretamente un equipu xuvenil y otru infantil de la nuestra cantera, van participar pela primer vez nun tornéu internacional n’Estaos Uníos.
Dr Pepper Dallas Cup ye’l tornéu de fútbol xuvenil internacional más vieyu y de más sonadía n’Estaos Uníos. Na edición del 2018, Dallas Cup quixo cuntar pela primer vez cola presencia del Real Uviéu y por esti motivu la entidá prepárase pa participar con dos equipos, infantil y xuvenil, nún de los países onde’l club tien más accionistes, y onde la marca Real Uviéu llogró un gran impactu gracies al fenómenu asocedíu na ampliación de capital del 2012.
El tornéu va celebrase a últimos d’esti mes de marzu y la entidá uviedista va compartir cartel con equipos de la Premier League como l’Arsenal o’l Manchester United; de la MSL como’l Toronto o los mexicanos Monterrey y Tigres, toos ellos referentes nes lligues de los sos países respectivos. D’esta manera, el Real Uviéu va cruciar l’océanu pa participar na XXXIX edición de la Dr Pepper Dallas Cup, dende’l 25 de marzu al 1 d’abril.
