Esta fin de selmana fíxose en Llugones la celebración del añu nuevu chinu, na que’l Real Uviéu tuvo presente, participando activamente nos actos que s’entamaron pa conmemorar esa festividá.
Na tarde del domingu, una representación del Real Uviéu, encabezada pol vicepresidente de la entidá, Manolo Paredes, amás del responsable de Rellaciones Institucionales, César Martín; el responsable del Área Social, Miguel Sanz; y el xugador de la primer plantiya Aarón Ñíguez, formó parte de los cientos de persones axuntaes pa dar la bienvenida al Añu Nuevu Chinu.
Amás de la donación de material pa la realización d’un sortéu, el Real Uviéu apurrió les camisetes oficiales de la temporada al conseyeru comercial y económicu de la Embaxada china
nel nuestru país, al presidente de l’Asociación de chinos n’España y al alcalde de Siero.
D’esta manera, la entidá uviedista caltién la so rellación tan estrecha col país asiáticu, onde rexistra un gran porcentaxe de siguidores, siendo’l segundu país onde’l club tien mayor númberu d’accionistes.
