El Real Oviedo nun xugaba solo, porque Burgos y El Plantío tiñiéronse d'azul antes del pitíu inicial.
Con cambéu de sistema y delles novedaes nel once titular, empezaba'l partíu col primer gol oviedista anuláu por un milimétricu fuera del xuegu tres dellos minutos de revisión na sala VAR. Un pase en fondura de Mossa a Bastón cantábase yá na grada oviedista, pero'l marcador caltúvose a cero hasta'l descansu ensin demasiaes ocasiones clares.
Na segunda metá llegaba una nueva ocasión d'adelantrase nel marcador.Penalty a favor pitáu de nuevu pol VAR y gol de Borja Bastón. Equipu y afición xuniéronse a cuerpu de grada pero aún restaba partíu. Doble cambeu primero, y otru doble dempués. Y dalguna ocasión más p'ampliar ventaya nel marcador. De nuevu intervieno'l VAR pitando un penalty en contra, y Juanma unvió percima del llargueru. Defendió'l conxuntu oviedista la resultancia con uñes y dientes hasta'l final pa sumar tres puntos fundamentales que, sobremanera, fixeron felices a los oviedistas qu'animaron ensin fuelgu n'El Plantío.
