Llegaba'l Real Oviedo a Anduva cola necesidá de ganar, al igual que l'equipu local, dambos con un puntu nel casillero. Egea retocó l'once cola vuelta de Juanjo Nieto y Christian, y l'entrada de Lolo y Riki nel centru del campu y la media punta.
Arropaos per cientos de oviedistas, los azules entraben de cara nel partíu. Lolo llanzó'l primer avisu con un disparu cruzáu que se coló a córner en
raspiando nun defensa. Nel minutu 9 Ortuño nun perdonaba con un chut, tres robu y pase de Jimmy, que ponía'l cero a unu. Caltuvo'l bon xuegu l'equipu d'Egea zarrando al Mirandés na área, y Nereo intervieno sacando una gran mano primero que'l conxuntu local anotara l'empate. Ortuño tuvo la más clara antes del descansu cabeciando un centru de Saúl que se foi raspiando'l llargueru.
Al entamu de la segunda metá Edu Cortina ocupó'l llugar de Lolo, con mariella. El Mirandés creciera en dominiu de xuegu y llegaes anque ensin claridá. Christian Fernández yera espulsáu nel 64 por colorada directa. Riki abandonaba'l campu pa entrar Arribas a cubrir el espaciu en defensa, y el Real Oviedo tuvo dalguna opción a la contra y en xugada, a pesar de la inferioridá numbérica. Nel 88, y cuando el puntu yá paecía bonu, llegaba'l castigu del 2-1 definitivu, con un disparu al refugue d'una bona parada de Champagne.
L'equipu torna mañana a les 10:30h a los entrenamientos.
AST
