El Real Oviedo llegaba al Sadar cola obligación de ganar y esperar si quería suañar con una carambola que-y fixera llantase nel play off d'ascensu. La primer premisa nun se dio, con derrota pola mínima, y el Dépor fixo los deberes pa terminar la xornada na sesta plaza.
Con dellos cambios nel once por decisión técnica y otros obligaos por ausencies en forma de sanción o mancadura, la primer parte foi del Real Oviedo, cola ocasión más clara nes botes de Saúl Berjón nel llanzamientu directu d'una falta que’l meta llocal sacó na llínia de gol. Xugaba l'equipu d'Egea ensin pasar apuros en defensa, anque Osasuna apertó camín del descansu.
Na segunda metá aumentó la so presencia nel área l'equipu de Arrasate y el conxuntu oviedista emplegóse a xeitu en defensa, pero nel 70 Xisco anotaba'l que sería'l 1-0 definitivu. Intentaríalo’l Real Oviedo con dalgún remate de Saúl y tamién de Ibra que nun atoparon portería.
Un derrota que-y pon puntu final a la temporada y dexa al Real Oviedo 8° clasificáu.
AST
