El Real Oviedo llegó a La Rosaleda cargáu d'ilusión y coló con bien poques opciones d'optar a una plaza de play off.
Empezó meyor el partíu l'equipu de Sergio Egea, más sele, con control y criteriu del balón y protagonista nos acercamientos a puerta anque ensin opciones clares. El penalty cometíu por Ibra y tresformáu por Adrián metió al conxuntu andaluz nel partíu. Pocos minutos más tardi, la espulsión de Bare dexaba al Málaga con unu menos y el Real Oviedo apertó buscando aprovechar la superioridá, pero en cantu del descansu un gran gol de Ontiveros ponía'l dos a cero.
Tres el descansu y a pesar de los cambios al Real Oviedo nun-y salieron les coses n'ataque y col equipu entornáu llegaba la sentencia definitiva col tres a cero firmáu por Cifuentes.
L'equipu vuelve a Uviéu con prósimu entrenamientu'l miércoles a les 10:30h n'El Requexón.
AST
