Con dellos cambios obligaos por sanción, y d'esquema por decisión de Sergio Egea, salió'l Real Oviedo a pol partíu nún Heliodoro Rodríguez López puñando colos de casa na llucha pola salvación.
La primer metá foi del conxuntu tinerfeñu que tuvo más control anque ensin demasiaes ocasiones. La más clara de los oviedistas foi una contra na que Johannesson llantárase énte Dani H. y el meta local despeyaba a córner. Remataba Alanís a les manes del porteru. A cinco minutos del descansu'l colexáu pitaba penalty y Suso anotaba dende los once metros poniendo al Tenerife per delantre.
Na segunda metá Egea camudó l'esquema y dexó a Tejera fuera dando entrada a Ibra en punta. Poco dempués yera sustituyíu Yoel Bárcenas, y dexaba el so llugar a Omar Ramos. El Real Oviedo ameyoró, en posesión y presencia ofensiva pero llegó'l segundu del Tenerife y punxo la resultancia entá más cuesta arriba. Siguió atacando'l conxuntu oviedista y tres un penalty a Johannesson ensin pitar, el colexáu pitó una mano na área que Joselu tresformó nel 2-1. Buscó l'empate'l Real Oviedo, con un bon disparu de Omar
que se coló raspiando'l poste y nos compases finales col llanzamientu d'una falta que Mossa peñó nel segundu palu y remató Ibra de cabeza. Atayó'l porteru.
Asina llegó'l final del partíu con una derrota qu'alloña les opciones de play off. L'equipu va entrenar mañana a la so llegada al Tartiere.
AST
