Derrota nel derbi asturianu

El Real Oviedo viaxaba nesta ocasión hasta Xixón pata encarar el primer derbi asturianu de la temporada. El conxuntu empobináu por Javi Calleja llegaba a esta xornada númberu 4 de LaLiga Hypermotion coles idees clares: tornar a la sienda de la victoria y regala-y un trunfu a tol uvieísmu. Para ello, el técnicu del conxuntu azul allinió un once formáu por: Aarón Escandell, Lucas, Dani Calvo, David Costas, Pomares, Colombatto, Del Moral, Cazorla, Sebas Moyano, Chaira y Alemão.

 

La primer acción clara para'l combináu de la capital del Principáu llego nel 7´. Tres un plasmu d'Otero namás arrincar el choque, Sebas Moyano remató de cabeza un bon centru de Chaira, dende la derecha, anque'l testerazu del estremu colóse percima del travesal. Col pasu de los minutos el Real Sporting de Xixón empezó a achuchar y nel 19', un penalti rigorosu cometíu por David Costas, yera tresformáu por Otero. 

 

Nel 25', Chaira tuvo l'empate con una volea dende fora de la área pero'l so remate, en tocando nun defensor, coló a córner. El Real Oviedo trató d'igualar nel alcuentru pero nel minutu 38, nun nuevu ataque de los dw Xixón Cote punxo'l 2-0. Xarru d'agua frío para'l cuadru carbayón y xugadores a vestuarios.

 

Tres el descansu, el Real Oviedo salió con otra cara al campu y el gol nun tardó en llegar. Chaira aprovechó una bona asistencia de Alemão para retayar distancies. Los de Javi Calleja aprovecharon el tantu para empezar a tener más balón. Sicasí, esa posesión nun se tresformaba n'ocasiones clares de gol y el míster azul ximelgó'l banquín. N'entrando al descansu Hassan y Lemos, Seoane y Paulino de la Fuente tamién apaecíen n'escena para tratar de llograr l'empate. L'enfotu uvieín nun dio los sos frutos y Campuzano, nel 76', sentenció l'alcuentru con un golazu. 3-1 y puntu final a un derbi asturianu que remataba con victoria sportinguista.

 

El Real Oviedo exercitaráse mañana n'El Requexón para empezar a preparar el próximu alcuentru ligueru énte'l Cartaxena nel Carlos Tartiere.