Tercera xornada de LaLiga Smartbank para'l Real Oviedo, que recibió esta tarde al RCD Espanyol nel NMR Carlos Tartiere, nun alcuentru que terminó cola resultancia de 0-2 en contra de los intereses oviedistas.
Cola novedá de Lucas ahijado nel llateral esquierdu, los homes de Ziganda encararon una nueva cita de competición regular, énte unu de los a priori equipos más fuertes de la categoría. Na primer metá, na que'l Real Oviedo tuvo perbién ordenáu sobre'l terrén de xuegu, concediendo poques ocasiones de peligru al conxuntu catalán, los azules entraron con más chispa al alcuentru, teniendo nes botes de Obeng l'acción más clara del primer actu. Javi Mier, Borja Sánchez y Viti tamién dispunxeron d'opciones para abrir el marcador pero nun llograron materializar diches ocasiones. Los primeres 45 minutos concluyeron con una acción que el xugadores del Real Oviedo reclamaron al entender qu'había mano d'un xugador visitante na área.
Tres el pasu por vestuarios, el Real Oviedo volvió amosar esa garra para dir a pol partíu, con una acción de Viti que detuvo Diego López. L'Espanyol adelantóse nel marcador al tresformar una pena máxima, y, a los pocos minutos d'esta acción, Raúl de Tomás anotaría'l segundu palos catalanes, aprovechándose d'un erru na salida de balón carbayona. Magar ello, los de Ziganda nun-y perdieron la cara al partíu, y empezaron a xenerar peligru sobre la portería del Espanyol, pero nun tuvieron la suerte de cara para retayar distancies nel marcador.
Primer derrota de la temporada para los de Ziganda, que la próxima fin de selmana va viaxar al Carlos Belmonte para midise al Albacete.
