El Real Uviéu llegó a un alcuerdu pa facese colos servicios del defensa Carlos Martínez pa la temporada que vien, con opción a una más en función d’oxetivos.
El xugador, de 32 años d’edá, nació’l 9 d’abril de 1986 en Lodosa, Navarra. Formáu nes categoríes inferiores de la Real Sociedá, onde desenvolvió tola so carrera deportiva. El defensa tien una esperiencia llarga nel fútbol profesional, con un total de nueve temporaes en Primer División, trés campañes en LaLiga 123 onde axuntó otros 60 partíos xugaos, y otres dos temporaes en Segunda División B. Carlos Martínez axunta un total de 135 partíos xugaos na máxima categoría del fútbol español, proclamándose campión de Segunda División na campaña 2009/2010, qu’a partir d’esi momentu compitió, hasta agora, en Primer División.
Carlos Martínez ye un llateral derechu de 1´85 d’altor, con muncho percorríu, y un físicu contundente.
Desque supere la reconocencia médica na Clínica Asturies, el futbolista va incorporase a los entrenamientos esti 10 de xunetu, y va trabayar a les órdenes de Juan Antonio Anquela.
Trayectoria:
(2004/07) Real Sociedá B
(2007/18) Real Sociedá
La presentación oficial de Carlos Martínez como xugador nuevu del Real Uviéu va llevase a cabu a les 13:00 hores na sala de prensa del Carlos Tartiere.
AST
