Rematada la temporada regular na Liga1|2|3, el Real Uviéu métese ente los meyores equipos de LaLiga n’impactu nes redes sociales.
Precisamente, na rede social Twitter, onde’l Real Uviéu acaba d’algamar los 200.000 siguidores, el conxuntu carbayón ye l’equipu de tola Liga1|2|3 con más interacciones ente los meses d’agostu y mayu. El Real Uviéu algama un total de 382.035 interacciones, superando por más de 100.000 al segundu clasificáu, el Tenerife. Amás, l’equipu uviedista métese nel Top 10 d’equipos de LaLiga con más interacciones, siendo l’únicu equipu de la Liga 1|2|3 nesta clasificación. El Real Uviéu forma parte d’esti grupu que ta integráu pol Real Madrid, FC Barcelona, Atlético de Madrid, Sevilla, Valencia, Betis, Athletic Club, Celta de Vigo y Deportivo Alavés.
Tocante a los hashtags más comentaos a lo llargo de tola temporada, el Real Uviéu ta presente en dos d’ellos. El #RealOviedoCádiz presentó un total de 3.714 tweets, mentes que’l #TenerifeRealOviedo rexistró un total de 3.614 menciones. Dambos hasthags ocupen el primer y segundu puestu na llista de los 10 con más actividá nesta rede social.
¡Gracies uviedistes por facenos líderes!
