La estaya deportiva de la entidá, que sigue trabayando na planificación de la temporada nueva, zarró dos amistosos más, que van completar el calendariu de pretemporada pal conxuntu de Juan Antonio Anquela, amás d’un alcuentru contra’l filial.
Como vien siendo vezu cada pretemporada, el conxuntu carbayón va empezar la ronda d’alcuentros preparatorios midiéndose al Real Uviéu Vetusta, el 18 de xunetu. La hora y el sitiu d’esti choque tán entá por confirmar y van zarrase nos díes vinientes.
Amás, el Real Uviéu va midise’l sábadu 21 de xunetu col San Sebastián de los Reyes, nel que va ser el so segundu alcuentru preparatoriu de la temporada. Pa esti choque, dambos conxuntos trabayen na busca d’un escenariu amañosu pa llevar a cabu esa cita. Nos díes vinientes va conocese’l sitiu y la hora del partíu.
Amás, el 11 d’agostu, el Real Uviéu va encarase col Deportivo de la Coruña, equipu qu’esta temporada va militar na Liga 1|2|3. Esti alcuentru, que va valir pa zarrar la preparación uviedista de cara a la temporada, va xugase na localidá gallega de Foz, siempre que les condiciones del terrén de xuegu dexen la práctica del fútbol. La hora del choque va determinase nos díes vinientes.
D’esta manera, el calendariu de pretemporada qu’encara’l Real Uviéu ye esti:
**Real Uviéu – Real Uviéu Vetusta**
Miércoles 18 de xunetu, hora y sitiu por determinar.
**Real Uviéu – San Sebastián de los Reyes**
Sábadu 21 de xunetu, hora y sitiu por determinar.
**SD Ponferradina – Real Uviéu**
Miércoles 25 de xunetu, 20:00 hores. El Toralín.
**Gimnástica de Torrelavega – Real Uviéu**
Sábadu 28 de xunetu, 19:00 hores. Les Caleyes (Villaviciosa).
**CD Lugo – Real Uviéu**
Miércoles 1 d’agostu, 19:30. A Marosa (Burela).
**Real Uviéu – Deportivo Alavés – Real Valladolid. TORNEO INTEGRA ENERGÍA **
Sábadu 4 d’agostu, hora por confirmar. El Berrón.
**Real Uviéu – SD Huesca**
Miércoles 8 d’agostu, 19:00 hores. Campo Olaranbe (Vitoria).
**RC Deportivo de la Coruña – Real Uviéu**
Sábadu 11 d’agostu, hora y sitiu por determinar.
Conocíos los rivales y la fecha de los alcuentros, los homes de Juan Antonio Anquela van empezar a preparar la temporada nueva esti 9 de xunetu, n’horariu entá por confirmar.
AST
