El Real Uviéu llegó a un alcuerdu pa la renovación de Juan Antonio Anquela como entrenador del primer equipu. El técnicu xienense comprométese cola entidá uviedista pa una temporada más.
Juan Antonio Anquela, de 60 años d’edá, recaló nel Real Uviéu’l branu pasáu procedente de la SD Huesca, cola que xugó play off d’ascensu a Primer División. Depués de la so primer campaña al frente del Real Uviéu, el técnicu lideró un equipu que sumó 65 puntos, clasificando en séptima posición y quedando a les puertes de xugar play off por golaveraxe col sestu clasificáu.
L’entrenador va siguir la temporada 2018/19 al frente del primer equipu acompañáu del so cuerpu técnicu actual, que tamién renueva pa una campaña más na entidá.
Segundu entrenador: Juan José Carretero
Preparador físicu: Marcos Marcén
Entrenador de porteros: Sergio Segura
Analista Asistente: Daniel Mayo
D’esta manera, Juan Antonio Anquela y el so equipu van empezar la pretemporada el llunes 9 de xunetu, nes instalaciones deportives d’El Requexón.
