Ganar pa siguir esguilando puestos na tabla. Con esa idea encaraba'l Real Oviedo esta decimoquinta xornada de LaLiga Hypermotion na qu'el FC Cartaxena visitaba'l Carlos Tartiere. Para esta ocasión, el técnicu del conxuntu azul, Luis Carrión, apostó por un once formáu por: Leo Román, Lucas, Dani Calvo, David Costas, Abel, Colombatto, Camarasa, Sebas, Paulino, Seoane y Bastón.
Arrincó'l partíu cola peor noticia posible para los intereses azules. Minuto dos d'alcuentru y el conxuntu murcianu anotaba'l primeru. Xarru d'agua frío pal uvieísmu y para los homes de Carrión que víen cómo na primera del partíu Iván Calero ponía al cuadru visitante per delantre. Pese al tantu encaxáu, el Real Oviedo quixo reponese lo antes posible y tuvo delles acciones mientres los primeres 45 minutos para igualar el choque.
Nel 18', Dani Calvo remató de cabeza una falta colgada a la área anque'l so disparu colóse llixeramente percima del travesal. Cuando'l partíu llegó a la primera media hora, Víctor Camarasa tendría l'empate. Latigazu del "10" dende la frontera que se foi esviáu nuna nueva llegada de los carbayones. La postrera clara de la primer parte protagonizóla Sebas Moyano, nel descuentu, pero'l so disparu cola derecha nun atopó portería.
Tres la continuación, la posesión de balón y la superioridá foi para'l Real Oviedo. Nel 59´, Bastón fixo'l 1-1 tres un gran centru de Colombatto pero'l so tantu foi invalidáu per fora de xuegu n'entrando n'acción el VAR. Los minutos siguíen pasando y el marcador nun se movía polo que'l técnicu catalán introdució un triple cambéu. Masca, Viti y Alemão ingresaron al terrén de xuegu pa tratar de camudar les coses y Alemão, barganal del final, tuvo les más clara del segundu periodu con una bon cabezada que se machó raspiando'l travesal.
Yá nel descuentu, el brasileñu recibió una pisotada dientro de la área que terminó en penalti. Paulino de la Fuente asumió la responsabilidá y nun falló. 1-1. Con cinco minutos inda per delantre d'allongamientu, el combináu carbayón intentólo hasta'l final anque ensin el premiu del segundu gol.
Finalmente, el cuadru uvieín llogró un puntu nesti decimoquinta xornada de LaLiga Hypermotion y yá piensa nel próximu compromisu ligueru, otra vegada en casa, énte la SD Eibar.
