ROV / UVIEDISTES / Asociación de Peñes Azules del Real Uviéu

APARO

HISTORIA

L’añu 2003, tan enguedeyáu na estaya deportiva, cola baxada alministrativa a Tercer División, tuvo les sos consecuencies tamién a nivel social. Los aficionaos azules foron posicionándose pa defender el Real Uviéu y formaron l’Asociación de Peñes Azules del Real Uviéu (APARO, nes sos sigles en castellanu), que diba sustituyir a la Federación Asturiana de Peñes Azules (FAPA), que fore menguando l’actividá nos últimos meses.
Esta asociación nueva tuvo dirixida nos sos principios abegosos pol llavianés Miguel Fernández, que, xunto a dellos uviedistes, trabayó duramente pa que la entidá siguiere con vida en Tercer División. Unos años depués, col club yá estabilizáu, sustituyólu Aurelio Tocado, que malpenes diba tar unos meses en cargu. Nes elecciones del 2007 resultó ganadora la candidatura d’Hugo López, pa socedelu Miguel Vicente Blanco depués de ganar les elecciones nel 2014.

¿QUIÉN PUE INTEGRASE?

La solicitú ha facese per escrito, dirixida al presidente de l’Agrupación con aportación d’estos documentos:

  1. Escritu firmáu pol presidente onde la Peña certifique’l determín d’asociase y de cumplir los estatutos y reglamentos de l’Agrupación.
  2. Ficha rellenada dafechu del Rexistru de Peñes de l’Agrupación.
  3. Copia de los estatutos polos que se rixe la peña solicitante.

CONTACTU

Ricardo Vázquez Prada, e/n

CARLOS TARTIERE NUEVU

Puerta 0, Local L

33013 UVIÉU

Teléfonos: 670 559 534 / 690 043 482 / 639 582 583 / 646 917 460

webmaster.aparo@gmail.com

www.aparo.es

 

VENTAYES

Ente les ventayes qu’ufierta l’Asociación a les peñes asociaas destaquen estes:

  1. Descuentos nel preciu de los viaxes entamaos pola Asociación p’asistir a partíos del Real Uviéu.
  2. Dos invitaciones pa dir a la cena de fin de temporada, onde s’entreguen los premios “Uviedista del Añu”.
  3. Prioridá pa la inscripción de la Peña en Tornéu anual de Futbol 7 “Memorial Emilia García “La Pixarra”.

Cola mira de financiar les actividaes que s’entamen a lo llargo de la temporada, les peñes que formen parte de l’Asociación comprométense a cumplir estes obligaciones:

  1. Pagar una cuota anual de 90 €.
  2. Vender un talonariu de Llotería de Navidá de l’Asociación (con 50 participaciones de 2.50 € caúna).
  3. Facilitar puntualmente los cambeos eventuales que pudieren producise nos datos de la peña.

Otra manera, recuérdase la existencia d’un “compromisu non escritu”, pol que les peñes asociaes tienen que convidar a la so inauguración a les demás peñes pertenecientes a l’Agrupación.

 

ACTIVIDAES

  • Organización de viaxes
  • Tornéu de Peñes
  • Troféu Herrerita

XUNTA DIRECTIVA

  • Miguel Vicente Blanco | Presidente
  • Jaime Campillo
  • Nacho Suárez
  • Víctor Manuel Sánchez
  • Joana Fernández
  • Adrián González
  • Álvaro Ornia
  • Álvaro Fernández
  • Rubén Candás
  • Víctor Felgueroso