ROV / UVIEDISTES / Abónate al Real Uviéu

Abónate al Real Uviéu

“Si tu vas, yo voi contigo”. Llevamos xuntos dende 1926. Si nun vinisti, queremos que lo faigas. Y si yá tas, que quedes con nós. Porque xuntos somos más fuertes y porque Uviéu nunca se da. Hasta’l final.

La campaña d’abonaos 2016-2017 arrinca cola ilusión de los nuestros aficionaos de volver disfrutar d’esta temporada nueva en LaLiga, venos cada fin de selmana que’l fútbol invade la nuestra ciudá y dir al Carlos Tartiere cada partíu xunto a esa persona que se va ilusionar contigo, sufrir contigo, y disfrutar tamién xunto a nós. 

Colos mesmos precios y categoríes de la temporada pasada, los aficionaos uviedistes más fieles al Carlos Tartiere van ver premiada la so asistencia, en casu d’ascensu, la temporada que vien. Y toos aquellos siguidores que renueven el carné acompañaos d’un uviedista nuevu, de categoría igual o superior, van disfrutar nel intre d’un descuentu del 20 % na retirada d’entrambos carnés. Queremos disfrutar cada domingu del Carlos Tartiere de les grandes ocasiones, qu’emburrie al nuestru equipu en cada partíu y nos ayude a lluchar delantre de cada rival hasta l’últimu minutu. Por eso l’abonáu 2016-17 qu’algame o supere l’asistencia a 16 partidos de lliga d’esta temporada va beneficiase de la conxelación nel preciu base del so abonu nel casu de xubir a Primer División, pa la temporada que vien. Entrambos descuentos van tar vixentes pa renovaciones y altes nueves hasta’l 20 d’agostu, incluyíu. 

Igual que na campaña d’abonaos 2015-16, nesta caltiénse la eliminación del derechu a asientu pal carné de neñu pequeñu, amás del abonu desempleáu. La supresión d’esta categoría faise depués de detectar l’usu incorrectu d’esta clas d’abonu. Otra manera, caltiénense les categoríes de persones con discapacidá y xubilaos. 

Tal y como esplicaba na presentación de la campaña’l xerente de la entidá, David Alonso Mata, "l’oxetivu d’esta campaña ye doble. Per un llau, los abonaos van poder acoyese a un descuentu del 20 % si retiren l’abonu primero del 20 d’agostu y traen un abonáu nuevu, mentes que’l segundu oxetivu ye tratar de recuperar a esos uviedistes que nes últimes temporaes nun pudieron dir regularmente a los alcuentros y ayudar a que se repitan los ambientes de los meyores díes de fútbol nel nuestru estadiu".

El preciu de les localidaes en taquilla, na temporada 2016-2017, va ser como mínimu de 30 euros pal públicu xeneral. Caltiénse una temporada más el “Abonu simpatizante” y tamién el “Carné El Requexón”.

La campaña d’abonaos del Real Uviéu va ponese en marcha dende esta tarde, a les 16:00 hores na planta baxa del Centro Comercial MODOO, xunto a la tienda oficial del Real Uviéu y nes oficines del Carlos Tartiere. Por motivos loxísticos los cambeos d’asientu nun se van poder realizar hasta’l 27 de setiembre.

El cambéu d’esta temporada ta na financiación de los abonos mensuales y semestrales, que, al revés que n’años anteriores que se facía directamente dende’l Real Uviéu, d’esta vuelta va pasar a facese al traviés de La Caixa, con financiación a 3, 6 y 9 meses. Los recibos anuales domiciliaos van pasase a cobru’l martes 23 d’agostu.

La documentación necesario pa financiar l’abonu ensin intereses ye esto: 

Veceros “La Caixa” (financiables hasta 10.000 €) : DNI o NIE + Numberación de tarxeta o llibreta “La Caixa”.
Abonaos en xeneral (financiables hasta 600 €): DNI o NIE + recibu domiciliáu de cualquier entidá.

Aquellos abonaos que quieran cancelar la domiciliación, tienen que lo comunicar nel númberu de teléfonu 985215300.

Tola información sobre la campaña d’abonaos 2016-2017 y abonos online, (próximamente), equí.