ROV / NOTICIES

Goles, arguyu y ambición

Los de Ziganda cierren el 2020 como locales con una importante victoria énte'l CD Tenerife

Volver

12/12/2020 00:11

El Real Oviedo cerró esta tarde un atípicu 2020 nel NMR Carlos Tartiere, imponiéndose por 4-2 al CD Tenerife, na penúltima xornada del añu para los de Ziganda.
Nun partíu de toma y daca, con muncho ritmu, munchos goles y xuna bona imaxe de los azules, magar encaxar dos goles. Femenías; Juanjo Nieto, Arribas, Bolaño, Mossa: Borja Sánchez, Edgar, Javi Mier, Marco Sangalli; Obeng y Leschuk fueron los escoyíos por Ziganda para saltar sobro'l verde del feudu oviedista. Na primer parte, na que'l Real Oviedo vese beneficiáu pola espulsión, a los pocos segundos de xuegu, de Pomares, el carbayones empiecen el choque enllazando bones xugaes para xenerar peligru sobre la meta defendida por Dani Hernández, con centros a la área de los home de banda. Nuna d'eses acciones llega'l primer gol de Blanco Leschuk, en cabeciando un centru de Juanjo Nieto. El conxuntu azul mete al Tenerife nel so campu, ensin apenes conceder peligru sobre l'arcu defendíu por Femenías. Los de Ziganda, col control de la posesión, mueven el balón d'una banda a otra p´abrir buecos na defensa chicharrera, con centros a la área y duelos colos llaterales tinerfeños. Una bona combinación ente Borja Sánchez y Mossa, que pon el balón nel puntu de penalti, ye aprovechada por Blanco Leschuk pa poner el segundu nel marcador. Tres el tantu oviedista, el Tenerife retayaría distancies nel lluminosu, nuna xugada aisllada na que los visitantes consiguieron batir la portería carbayona. Los de Ramis, ensin apenes ocasiones de gol, ven como los azules busquen el terceru, nunos primeres cuarenta y cinco minutos que conclúin con una bona bolea de Sangalli.
Na segunda metá'l Tenerife sigue metíu tras, calteniendo la resultancia y buscando ocasiones aisllaes coles que poner l'empate. Los azules vuelven tener el control del balón, moviendo'l xuegu d'una banda a otra, pero ensin gociar de presencia na área. Una xugada aisllada nel 64, tres un llanzamientu de falta, ye rematada por un xugador tinerfeñu, que , aprovechando la segunda acción, pon l'empate nel lluminosu. Ziganda mueve'l
banquín pa dar entrada a Rodri Ríos, que, a los pocos segundos de saltar al terrén de xuegu, remata un bon centru de Juanjo Nieto, adelantrando de nuevu a los azules nel marcador. El carbayones, col control del balón, dexen que'l Tenerife dea un pasu adelantre, entráu nun tramu de toma y daca, nos que dambos equipos busquen el gol. Blanco Leschuk caza un balón dientro de la área, unvia un pase sobro Borja, que bate a la meta visitante, con especial dedicatoria a Edu Cortina tres la so mancadura. Riki primeru, y Lucas y Jimmy dempués, fueron los últimos cambeos del Real Oviedo de Ziganda, que terminó'l choque cola posesión del so favor.
Tres nuevos puntos de los azules, que yá suman 25 nel so casillero y que mañana van empezar a preparar l'alcuentru de Copa del Rei d'esti martes énte'l CD Coria.