La Xornada 35 nel calendariu dexónos esta tarde n'El Molinón un nuevu derbi asturianu, nel que Real Oviedo  y Real Sporting vieronse les cares, con

 oviedista a la fin de los 90 minutos.

Con tres novedaes nel once respectu al últimu choque ente Las Palmas, Ziganda allinió sobre'l verde del municipal xixonés un equipu formáu por Femenías; Johannesson, Arribas, Grippo, Lucas; Sangalli, Tejera, Edgar, Borja Sánchez; Nahuel y Blanco Leschuk para buscar una victoria que dexara a los azules tomar ventaya colos puestos de descensu y averase al oxetivu de los cincuenta puntos, y sumóse de tres.

Nuna primer parte, marcada pola efectividá azul, los de la capital del Principáu adelantráronse a los pocos minutos de xuegu, cuando Johannesson remató un centru de Lucas ente'l que Mariño nun pudo facer nada. Tres el gol, el Sporting de Xixón empezó a buscar el balón, faciéndose col control de xuegu por tramu, anque'l trabayu en defensa del conxuntu oviedista, bien ordenáu y solvente mientres tol partíu, nun concedió ocasión a los locales. Nahuel y Borja Sánchez tuvieron les más clares del primer actu, pero nun llograron materializales. El Sporting de Xixón nun xeneraba peligru sobre la meta defendida por Femenías, con un Real Oviedo que llegó al descansu buscando balones directos a Blanco Leschuk.

Tres el pasu por vestuarios, les defenses volvieron xugar un papel clave nel alcuentru, anque sería'l Sporting el qu'avisaría a los pocos minutos del empiezu del segundu actu, con una clara ocasión para poner l'empate. De nuevu los locales faciéronse cola posesión del balón, anque nun sirvió de muncho, yá que nun xeneraben peligru sobre la portería oviedista. Ziganda dio entrada a Obeng y Borja Valle, que sumaron trabayu y frescura a los azules, con delles contras sobre la portería de Mariño. Bolaño foi'l postreru camudo oviedista del alcuentru, qu'acabó col Sporting buscando un tanto que nun llegó y un Real Oviedo bien aplicáu en defensa.

Tres importantes puntos sumaos polos azules nel derbi asturianu, que refuercen la moral y el trabayu, y dexen averar a los de la capital del Principáu al oxetivu de los 50 puntos.