Partíu l'apostáu esta tarde nel Carlos Tartiere ente Real Oviedo y Granada correspondiente a la xornada 15 qu'empezaba con un emotivu actu en memoria d'Armando. Arrincaba con novedaes nel once Álvaro Cervera que formaba d'entamu con: Braat, Costas, Luismi, Borja, Dani Calvo, Obeng, Aceves, Montoro, Hugo Rama, Lucas y Abel Bretones.

Nun empezaron mal los azules que xeneraron llegaes de peligru nos primeros minutos. Nel 10’ una xugada per banda esquierda con remate de Obeng dir a córner, dando la más clara pal Real Oviedo a la salida del saque d'esquina. Peña'l delanteru ganés nel primer palu y Costas de cabeza remata al travesañu.

L'equipu granadín nun esmolió la meta de Braat mientres los primeres 30 minutos pero nel 38’ llegaba la xugada polémica del alcuentru. Acción más que dudosa na que Caparrós Hernández interpreta como sancionable un bracéu d ´Aceves col atacante nazarí n'ocasión manifiesta de gol y espulsión del defensa mexicanu.

Con unu menos se colaben el carbayones al descansu y asina empezaba la segunda metá. Tocaba apertar files, aguantar l'emburrie del conxuntu andaluz aguiyonáu pola superioridá numbérica y aguardar la oportunidá.

Y el fútbol dacuando, y solo dacuando, premia al que sabe sufrir y da a l'afición lo que se merez, y de eso'l Real Oviedo diba sobráu güei. Nel 80' gran xugada de Lucas y Sergi Enrich que l'ariete llevaba a la rede de forma maxistral nunu de los goles, en palabres del protagonista, más guapos de la so carrera.

Tres puntos merecíos ya inyección de moral pa un equipu que va volver al trabayu'l miércoles.