El d'esta tarde en Santo Domingo nun yera un partíu cenciellu. Un Alcorcón acabante baxar, más de 500 oviedistas nes graes y cuatro victories sumaes nes postreres cuatro xornaes. Con sufrimientu, pero l'equipu llevó la victoria. Remontada incluyida.

Repitiendo con Tarín en defensa, Carlos Isaac a la derecha, y centru del campu con Luismi y Jimmy n'ausencia de Brugman por molesties, los azules tuvieron les más clares de la primer metá. Un cabezazu de Borja Bastón, un remate de Javi Mier y un gol d'esti postreru anuláu per fora de xuegu bastante xustu.

Na segunda emburrió más el Alcorcón hasta facese col gol. Movió banquín Ziganda, primero con Matheus y Joni Montiel y dempués con Pombo y Hugo Rama. Y llegó la remontada. Segunda mariella a Zarfino, gol de Matheus y nel 90, l'unu a dos firmáu por Hugo Rama pa llevase los tres puntos perimportantes. Equipu y afición celebraron sobre'l verde de Santo Domingo, pa tornar a casa con una allegría na mochila.