Sergio Tejera foi’l protagonista esta mañana nel Campus del Real Uviéu. El mediocampista, ún de los refuerzos llegaos esti branu al primer equipu uviedista, foi a les instalaciones Tensi a visitar a los participantes del cuartu turnu desque completó’l so entrenamientu mañaneru.
El catalán foi recibíu con aplausos de los presentes, y sometióse a les preguntes de los pequeños, repasando la so carrera y contestando a les sos duldes, amás de cuntar cuáles son les sos sensaciones depués de delles selmanes yá como uviedista. La visita acabó cola semeya tradicional de grupu, y el ciñu de los pequeños que lu despidieron chocando les manes.