Sergio Egea, que llogró l'ascensu a LaLiga 123 en 2015, ye'l nuevu entrenador del Real Oviedo.

El técnicu comprométese cola entidá hasta'l 30 de xunu, y va ponese al frente del equipu mañana pela tardi, cola primer sesión d'entrenamientu prevista pa les 18:00 hores. Egea va tar acompañáu por José Luis Baroja como segundu entrenador, Ignacio Gonzalo como preparador físicu y Sergio Segura como entrenador de porteros.

Sergio Egea, que *nun va realizar declaraciones hasta'l momentu de la so presentación oficial*, declaraba tres el so nomamientu que "vuelvo al llugar onde me fixeron bien feliz. Toi agradecíu de que s’alcordaren de mí pa volver trabayar pa esti gran club."